07/03/2014 12:32:35

Prekaz, përfundon ''Nata e Zjarreve''

Me natën e zjarreve përfundon nderimi i Epopesë së Ushtrisë Çlirimtare të Kosovës dhe komandantit Adem Jashari

PRISHTINE - Mbyllet manifestimi treditor në Kosovë me ndezjen e flakadanëve në kompleksin memorial në Prekaz. Me natën e zjarreve përfundon nderimi i Epopesë së Ushtrisë Çlirimtare të Kosovës dhe komandantit Adem Jashari. 16 vjet më parë, në Prekaz, më 5, 6 e 7 Mars 1998, në mbrojtje të pragut të shtëpisë dhe Kosovës, ranë heroikisht 56 anëtarë të familjes Jashari, 20 prej tyre të Familjes së ngushtë të Komandantit Legjendar Adem Jashari. Manifestimi i organizuar nga qeveria nisi më 5 Mars në Kazermën Adem Jashari në Prishtinë me ceremoninë ushtarake të FSK-së dhe vazhdoi dje me homazhe në Kompleksin Memorial Adem Jashari në Prekaz dhe në të gjitha Komplekset Memoriale të Dëshmorëve të UÇK-së në Kosovës, e në mbrëmje në Prishtinë u mbajt akademia përkujtimore.

HermesNews - ©2014

Dërgo me email | Stampo artikullin