06/03/2014 23:00:28

Lorik Cana: Shqipëria e Kosova duhet të kenë një Kombëtare

'Unë jam vet nga territori i Kosovës dhe e dua Kosovën, por ekziston vetëm një kombëtare'

HermesNews - Kapiteni i Kombëtares shqiptare, Lorik Cana, njëkohësisht pasi shprehu mendimin e tij përsa i përket rrugëtimit të ekipit Kombëtar në grupin e saj përkatës në eliminatoret për Europianin e 2016-ës, deklaroi se Shqiptarët duhet të kenë vetëm një Kombëtare.

Sipas tij shqiptarët kanë vetëm një kombëtare dhe në të ardhmen të gjithë futbollistët që kanë nënshtetësi shqiptare duhet të luajnë vetëm për kombëtaren shqiptare. “Unë jam vet nga territori i Kosovës dhe e dua Kosovën, por ekziston vetëm një kombëtare”, tha ai.

Përsa i përket grupit që është pjesë edhe Shqipëria, Cana tha, “Nuk e kemi luksin që të themi se është grup i lehtë, mirëpo ne do të japim maksimumin që të shkojmë përtej asaj që është bërë deri me tash”.

Futbollisti i Lazios foli edhe për ndeshjen e parë ndërkombëtare të Kosovës që më 5 mars luhet në “Adem Jashari” kundër Haitit, ndërsa ka shtuar se nuk ka marrë ende një ftesë nga përzgjedhësi i Kosovës, Albert Bunjaku. “Kjo është e kuptueshme pasi unë jam I angazhuar me Kombëtaren e Shqipërisë”. Na ndiqni dhe në Facebook dhe Twitter

Arbër Meçenovi

Dërgo me email | Stampo artikullin