06/03/2014 11:04:17

Një Shqipëri sulmuese mposht Maltën

Një paraqitje pozitive Kombëtares Shqiptare në miqësoren e djeshme zhvilluar në “Niko Dovana” kundër Maltës

HermesNews - Një paraqitje pozitive Kombëtares Shqiptare në miqësoren e djeshme zhvilluar në “Niko Dovana” kundër Maltës.

Tranjeri De Biassi e kishte përgatitur më së miri këtë miqësore, të cilën në prag të ndeshjes e kishtë cilësuar si ndeshje “zyrtare”. Të pranishëm në stadium kanë qenë të pranishëm 8 mijë tifozë, ku nuk kanë munguar 4 tifo grupet më të mëdha në trojet shqiptare “Tifozat kuqezi”, “Djemt e detit” “Plisat” dhe “Fanatics”.

Në fillim të pjesës së parë skuadra Malteze është shfaqur e rrezishme, mbrojtja shqiptare është shfaqur e pasigurt por me kalimin e minutave ka gjetur ekulibrin.

Shqipëria fillon të sulmoj dhe arrin të gjejë golin me Migjen Bashën, i cili shënon me kokë gjatë goditjes së këndit e gjuajtur nga Kace. Shqipëria dominon 45 minutat e para, ku shfaq një lojë të pastër, duke fituar duelet në mesfushë. Pjesa e parë mbaron me rezultatin 1 - 0 për Shqipërinë.

Në pjesën e dytë nuk ka pasur histori, dominim absolut i kuqezinjëve të cilët arrijn të shënojn me një “magji’ të Alban Mehes. Mesfushori godet topin nga 40 metra, topi merr një trajektore të cuditshme dhe përfundon në rrjet. Stadiumi në delir pasi një gol i atill nuk shikohet cdo ndeshje.

Shqipëria arrin të godasi dy herë shtyllën, me Ramën dhe Sadikun. Skuadra kuqezi ka bindur në këtë miqësore por duhet përmisuar akoma më shumë duke parë që në grupin “Euro 2016” kemi skuadra të kalibrit të lartë dhe nuk duhet toleruar mos përqëndrimi në mbrojte apo mos arritja e konkludimeve në aksionet e krijuara. Por një Kombëtare që na jep shpresë për të ardhmen. Na ndiqni dhe në Facebook dhe Twitter

Arbër Meçenovi

Dërgo me email | Stampo artikullin