04/03/2014 12:03:05

Durrës: tabela orientuese për arkeologjinë

Bashkia financion instalimin e 25 tabelave me shtyllëza dekorative, ku jepen të dhëna mbi vendndodhjen e monumenteve më të rëndësishme arkeologjike

DURRES - Monumentet historike dhe arkeologjike të qytetit të Durrësit po pajisen me tabela orientuese, të cilat lehtësojnë vizitat e turistëve vendas dhe të huaj.

Bashkia e qytetit ka financuar instalimin e 25 tabelave me shtyllëza dekorative, ku jepen të dhëna mbi vendndodhjen e monumenteve më të rëndësishme arkeologjike dhe historike të qytetit, si dhe dëshmi të shkruara mbi periudhën kur ato janë ndërtuar.

Ky investim, sipas zyrtarëve të bashkisë, synon të afrojë sa më shumë vizitorët në disa prej pikave me rëndësi historike në qytetin e lashtë, si amfiteatri antic, torra veneciane, muret mesjetare, forumi rrethor, xhamia Fatih, termat antike, etj.

Durrësi është qyteti më i vjetër në bregdetin lindor të Adriatikut, që vazhdon të mbijetojë.

HermesNews - ©2014

Dërgo me email | Stampo artikullin