17/02/2014 11:19:30

Kosova vesh ngjyrat e festës: GJASHTË VJET PAVARËSIA

Thaqi në Parlament: sfida e shtetit të ri, strukturat në veri të vendit dhe dialogu me Serbinë

PRISHTINE - Qytetarët e Kosovës (foto nga festimet sot) festojnë sot gjashtë vjetorin e pavarësisë. Thaqi në Facebook falenderon "secilin nga ju për sakrificat që keni bërë për lirinë e vendit tonë." Për kryeministrin është arritje që "...me mbështetjen e fuqishme të SHBA-së arritëm marrëveshjen e parë historike për normalizimin e marrëdhënieve mes shtetit të Kosovës dhe Serbisë", u shpreh Thaqi dhe "...nëpërmjet kësaj marrëveshje arritëm të sigurojmë respektimin e plotë të sovranitetit tonë shtetëror, rendit kushtetues dhe ligjeve...në të gjithë territorin e Republikës së Kosovës. Si rezultat kemi zhbërë struktuart në veri të vendit kemi filluar procesin e integrimit në institucione legale të vendit, kemi mbajtur zgjedhjet e para lokale demokratike në tërë territorin e vendit dhe kemi dhënë fund anarkisë atje duke shtrirë sundimin e rendit dhe ligjit", tha ai.

Urim Kosovës i vjen dhe nga Tirana. Presidenti Bujar Nishani, siguron, në një telegram, homologen Jahjaga, për intensifikimin e vazhdueshëm të partneritetit strategjik të marrëdhënieve që karakterizon Shqipërinë dhe Kosovën, për t’i shndërruar ato në model rajonal" dhe i uron qytetarëve kosovarë festën e pavaresisë. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin