05/02/2014 11:47:20

Nga Parisi drejt Tiranës

Angjelin Preljocaj ngjitet në Teatrin e Operas dhe Baletit. Koreografi është shprehur i gatshëm për të organizuar një event të rëndësishëm, të domosdoshëm dhe të vyer, në vendin e tij të origjinës me kompaninë e tij, 'Ballet Preljocaj'

TIRANË - Koreografi i mirënjohur, Angjelin Preljocaj pritet të vijë në muajin maj në Tiranë për të ngjitur në skenën e TKOB-së, një shfaqje të drejtuar nga ai.

Ministrja e Kultures, Mirela Kumbaro, gjatë vizitës së saj në Francë, u takua me koreografin Preljocaj, ku ndër të tjera u diskutua edhe për shfaqjen e tij në Tiranë. Si një artist i dimensioneve të fuqishme, i jetëve paralele të jetuara në një çast të vetëm skenik, shumë herë ai e shpjegon artin e tij me fjalët: "Mjetet e mia të shprehjes janë trupi, hapësira dhe koha. Më pëlqen të mendoj për evolucionin e shoqërive tona dhe si mund ta përdorim trupin për të shprehur shumë gjëra që nuk mund të thuhen me fjalë. Në një kuptim, trupi është një pasqyrim i shpirtit".

Koreografi është shprehur i gatshëm për të organizuar një event të rëndësishëm, të domosdoshëm dhe të vyer, në vendin e tij të origjinës me kompaninë e tij, "Ballet Preljocaj".

Trupa e baletit e koreografit francez me origjinë shqiptare, Angjelin Prejlocajt ka shfaqur në TKOB, muajin tetor 2013, në kuadër të 100-vjetorit, premierën e shfaqjes “Atë që nuk e quaj harrim”.

Angjelin Preljocaj, konsiderohet si një nga koreografët më të rëndësishëm në Francë. Ai ju bashkangjit Baletit të Operës Kombëtare të Paris në vitet ’90 dhe udhëheq Kompaninë e tij që prej 1985. Koregrafia e tij përshkruhet si interpretimin i baletit klasik dhe modern. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin