25/01/2014 09:58:44

Zënia e farës së bukës (brumi i thartuar)

nga Brunhilda Çela

Sekretet e aromave të Brunhildës Siç ju thashë në bazë të interesit qv do tregoni për të bërë bukën vetë thashë të filloj të ndaj me ju ato që unë i kam mësuar para 3 vjetëve në një kurs për të bërë buke të shëndetshme vetë në shtëpi.

Unë sot do filloj të bëj brumin e thartë dhe vetë me këtë recetë e do e fotografoj, është një ndër recetat më të thjeshta e me pak të komplikuara që kam provuar dhe që funksionon.

Pra ka shumë e shumë receta edhe për zënien farës së bukës këtu po ndaj një recetë atë më të thjeshtën dhe që unë e përdor më shpesh është dhe një tjetër që e kam provuar së cilës i shtohet çdo ditë miell dhe ujë ajo zgjat me tepër.

Eshtë dhe zënia me miell qiqrash atë e kam nxjerrë dhe tek libri im i gatimit ku ka vënë simitet me qiqra dhe ajo funksionon 100 për qind e del fantastike sidomos aroma që ka.

Por po e fillojmë me hapin më kryesor për bukë të sëendetshme sot: zënien e farës së bukës. Të tjerat hapa do të nxjerr në ditët në vijim. Provojeni këtë recetë për rreth 400 gr farë buke:

250 ml ujë të vakët
1 luge caji mjaltë
150 gr miell thekre (miell të plotë)

Në një tas të madh do vini 250 ml ujë të vakët dhe mjaltin i përzieni të dyja bashkë derisa të treten. Shtoni aty dhe miellin e thekres dhe e përzieni me një lugë druri sa të bëni një brum të lidhur mirë dhe homogjen, del një brum i hollë.

Mbulojeni me një kapak dhe vëreni në një vend të ngrohtë, (unë e vë afër kaloriferit, temp. duhet të jetë 20 gradë).

E lini kështu 3 ditë, por duke e përzier dy herë në ditë me lugë druri në mëngjes dhe në darkë.

Pas 3 ditëve brumi ka ardhur dhe vëllimi i tij është dyfishuar, është i mbushur plot me bulëza ajri, kjo tregon që brumi është gati për ta përdorur për bukën. Eshtë i thartë, vjen era thartirë. Mund të ruhet deri 1 javë dhe në frigorifer. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin