18/01/2014 17:08:10

Arjola Prenga fiton Kupën e Norvegjisë

Në setin e parë, ekipi ku militon 27-vjeçarja shqiptare e ka nisur vrullshëm, duke shkuar në një kryesim deri në shifrat 10-3

ASNN - Volejbollistja shqiptare Arjola Prenga ka marrë trofeun e parë të këtij sezoni me skuadrës e saj, Stod Volej, e cila korri të shtunën një fitore bindëse, 3-0, ndaj Oslo Volejit, në finalen e Kupës së Novegjisë.

Në fakt, duke qenë se Oslo Volej vinte si kampione në fuqi, por edhe fituese në fuqi e Kupës, finalja e së shtunës, e zhvilluar në Pallatin e Sportit “Domus Atletika” të Oslos, pritej të ishte një duel më i barazpeshuar.

Skuadra kryeqytetase dhe Stod Volej janë dy prej skuadrave më të spikatur të kampionatit norvegjez të futbollit të femrave, por ekipi i Prengës ka treguar se ajo fitore 3-2 e arritur në mënyrë dramatike në përballjen e parë në kampionat, nuk kishte qenë rastësore.

Në setin e parë, ekipi ku militon 27-vjeçarja shqiptare e ka nisur vrullshëm, duke shkuar në një kryesim deri në shifrat 10-3. Oslo Volej reagoi, duke futur në lojë Elisë Sandangerin, e cila i dha një tjetër impuls lojës.

Sindi Treland e ka shkurtuar epërsinë e Stod Volejit fillimisht në 20-24 dhe vijoi të realizonte 3 herë nga shërbimet, duke e çuar rezultatin në 23-24 . Por vrulli i Oslos do të ndalet këtu, pasi sulmi i përmbyllur me sukses nga Arjola Prenga ka mbyllur setin.

25-23 për Stod Volejin, e cili nuk do të ndalet më. Seti i dytë ishte i kontrolluar kryesisht nga Stod Voleji, nga fillimi në fund. Edhe pse Ingrid Lunde e shkurton largësinë e pikëve për Oslo Volejin, nga 16-23 në 20-23, skuadra e Prengës e merr edhe këtë set 25-21.

Ndërkaq, seti i tretë ka bërë të qartë përejt çdo dyshimi se kush ishte ekipi më i fortë në “Domus Atletika” . Stod Volej udhëhoqi fillimisht në 5-1, për të vijuar dominimin deri në 19-8 dhe për ta fituar setin e tretë 25-12 dhe gjithë takimin me rezultatin e përgjithshëm 3-0.

Ky është trofeu i dytë që volejbollistja shqiptare fiton me ekipin e Stod Volejit, pas atij të kampiones së Ligës Nordike, të fituar vjet. Këtë vit, skuadra e Prengës është në rrugë të mbarë edhe për titullin “kampion”. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin