17/01/2014 14:56:11

Kruja sot kujton Gjergj Kastriot Skënderbeun

Koncert dhe këngë me rastin e 546 vjetorit të vdekjes së heroit

DURRES - Bashkia dhe Muzeu Historik i Krujës përkujtuan sot 17 Janarin, 546 vjetorin e vdekjes së Heroit tonë Kombëtar, Gjergj Kastrioti Skenderbeu.
Drejtori i Muzeut Historik, Medi Hafizi, tha se "Ansambli Kastrioti, me artistë amatorë dhe nxënës të shkollës së mesme të qytetit, ishin protagonistë të një koncerti, organizuar në oborrin e Kalasë, i cili tërhoqi vëmendjen e turistëve vendas dhe të huaj që ndodheshin sot në Krujë". Në ceremoninë e organizuar me këtë rast, përshëndeti kryetari i bashkisë, Shkëlzen Hoxha, i cili vlerësoi kontributin e këtij qyteti në shekuj dhe veçanërisht gjatë epopesë mesjetare, nën udhëheqjen e Skënderbeut. Koncertin e ndoqi edhe Presidenti i Bullgarisë, Rosen Plevneliev. Në vitin 1982, në Kalanë e Krujës, u ngrit muzeu kushtuar figurës së Heroit Kombëtar, Skënderbeut, si dhe periudhës 25-vjecare, nën udhëheqjen e tij. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin