08/01/2014 17:28:02

Vllaznia nuk po përdoret politikishtë z.Radovani

Bashkia Shkodër ka reaguar sot përmes një deklarate për shtyp në lidhje me disa deklarata të bëra një ditë më parë nga Prefekti i Qarkut Shkodër, z. Paulin Radovani në lidhje me fondet e përdorura nga ky institucion për ekipin e Vllaznisë

SHKODER - Bashkia Shkoder ka reaguar sot në një deklarat për shtyp ndaj fjalëve të thëne dje nga prefekti i Qarkut Shkoder Paulin Radovani për keq drejtimin e klubit te futbollit të Vllaznis nga Bashkia Shkoder si dhe mungese fondesh për ekipin.Ja deklarat për shtyp e bashkisë:

Jemi të detyruar të bëjmë një deklaratë të tillë për të hedhur dritë mbi disa të pavërteta, të serviruara në media një ditë më parë , nga prefekti i qarkut Shkoder, Paulin Radovani.
Bashkia Shkoder e mori përsipër menaxhimin e ekipit të futbollit Vllaznia, krahas të gjitha detyrave dhe obligimeve të tjera në shërbim të qytetarëve , në një moment të vështirë për këtë ekip, me përgjegjësinë e saj morale dhe institucionale, pasi Vllaznia është një emer dhe një histori për qytetin e Shkodres.
Gjatë kësaj periudhe që Vllaznia menaxhohet nga Bashkia , ne kemi qenë të hapur dhe po vazhdojmë kontaktet dhe tratativat me biznesmenë të ndryshem , qoftë për të kontribuar si donatorë, apo për të marrë përsipër përgjegjësitë e drejtimit të klubit të futbollit, por gjithmonë në përputhje me ligjet në fuqi.
Në lidhje me deklaraten e prefektit të Shkodres, Radovani një ditë me parë, ku ai akuzonte bashkinë se po shpërdoron fondet e qendrave sociale për ekipin e futbollit, duam të sqarojmë se: “Fondet e qendrave sociale, shtëpi fëmijesh, apo të moshuarve akordohen nga qeveria qëndrore me destinacion dhe janë të parashikuara në grantet e kushtëzuara. Këto fonde, menaxhohen nga ministria e mirëqënies sociale dhe rinise , ndaj askush nuk ka tagrin që ti prekë ato, duke ndryshuar destinacionin e tyre, sipas interesave të njërit apo të tjetrit .
Ju faleminderit!
Na ndiqni dhe në Facebook dhe Twitter

Arbër Mecenovi

Dërgo me email | Stampo artikullin