07/01/2014 18:27:09

Thaçi në Facebook: Marubi në Galerinë e Arteve për festën e Pavarësisë

Në 17 shkurt Kosova feston 6 vjetorin e shpalljes së pavarësisë, të njohur deri sot nga 104 shtete anëtare të OKB-së

PRISHTINE - Disa nga fotot më interesante dhe të papara nga Shqipëria, Kosova, Ballkani që nga shekulli XIX, prej fotografëve të parë të trojeve shqiptare - vëllezërit Marubi - ekspozohen për herë të parë në Galerinë e Arteve të Kosovës në Prishtinë për Ditën e Pavarësisë së Kosovës. Lajmin e konfirmoi sot Kryeministri i Republikës së Kosovës, Hashim Thaçi, nëpërmjet faqes së tij në Facebook. Për të shënuar përvjetorin e Pavarësisë së Republikës së Kosovës, Galeria Kombëtare e Kosovës do të realizojë ekspozitë në bashkëpunim me Fototekën Kombëtare “Marubi” në Shkodër, ku do paraqiten fotografi të paekspozuara më parë prej të gjithë fotografëve të fondit të Fototekës Kombëtare Marubi: Pietro, Kel e Gegë Marubi, Kol Idromeno, Pjetër Rraboshta, Dedë Jakova, Shan Pici dhe Angjelin Nënshati.

HermesNews - ©2014

Dërgo me email | Stampo artikullin