03/01/2014 20:15:14

Ndahet nga jeta veterani i sportit shkodran

Ish sportisti Ruzhdi Piraniqi vdiq në moshën 83 vjeçare

SHKODËR - Është ndarë nga jeta në moshën 83 vjeçare, veterani i sportit shkodran, Ruzhdi Piraniqi. Lajmi bëhet i ditur nga shoqata e Veteranëve të Atletikës shkodrane, pjesë e së cilës Piraniqi ka qënë deri dy vite më parë, kur si rezultat i një sëmundje, mjekët e rekomanduan të priste njërën këmbë.

Edhe pse në këto kushte, pasioni për atletiken, së cilës i kushtoi tërë jetën e tij, pasi u pajis me protezë, ai synonte të rikthehej në pistë për të vrapuar, duke shënuar kështu rastin e vetëm të këtij lloji në vendin tonë.

Por ndërsa ai prist periudhën e afatit që rekomandon mjekësia për këtë veprim, nisur nga një përkeqësim i gjendjes shëndetësore të tij, zhvendoset në Itali për një shërbim më të specializuar, ku megjithë përkujdesjen maksimale të mjekësisë italiane, ndërroi jetë në këtë fillim viti.

Trupi i pajetë i veteranit të sportit, Ruzhdi Piraniqi, mbërriti sot në Shkodër, ndërsa ceremonia e përcjelljes për në banesen e fundit do të zhvillohet diten e shtunë, me datë 4 janar, në orën 12.00.

Piraniqi do të kujtohet gjatë nga opinioni sportiv shkodran e më gjërë, si kampion dhe rekordmen i garës së tij të preferuar në Ecjen Sportive, në përbërje të ekipit të Vllaznisë. Sukseset e tij do të vijonin të ishin të tilla edhe gjatë konkurimit me ekipin Kombëtar të Veteranëve të Atletikes, duke fituar trofe ballkanikë dhe europianë, dhe mbajtës i rekordeve në disiplinën e Ecjes Sportive. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin