03/01/2014 14:04:20

Sallatë festive

nga Brunhilda Çela

Sekretet e aromave të Brunhildës Këtu po ndaj me ju një recetë që e kam provuar vetë para dy vjetëve dhe doli shumë e veçantë. Receta është sipas asaj që kam provuar unë (foto):

Shtresa e parë
5 patate mesatare të ziera
1 presh
2 thelpinj hudhra të grirë
lëkurat e 1/2 limoni
lëngu i 1/2 limoni
majonezë, kripë piper sipas shijes tuaj

Shtresa e dytë
3 karota
150gr miser i zier

Shtresa e tretë
1 pako djath tosti

Shtresa e katërt
500gr. peshk i tymosur
lëkurat e 1/2 limoni
lëngu i 1/2 limoni
kripë, piper, majoneze sipas shijes dhe dëshirës suaj

Shtresa e pestë
100gr. spinaq i përvëluar në ujë me kripë dhe me pak uthull të marinuar e vaj ulliri

Shtresa e fundit
4 vezë të ziera fort
200gr. ullinj të përzier

Për zbukurim
djath i grirë kaçkavall
salcë kosi përzier me majoneze dhe pak piper i kuq, limona dhe po deshet dhe karkalecë të zier.

Shikoni fotot me kujdes si përgatitet, bëhet në formën e tortës me rreth anash e pasi e keni lënë në frigorifer për ca orë e hiqni rrethin dhe e zbukuroni sipas dëshirës. Nëse nuk ju pëlqen me peshk të thatë mund të përdorni proshutë dhe e zbukuroni lart proshutën në formë trëndafili e me gjethe majdanozi del shumë bukur por dhe me feta salmoni mund ta bëni të zbukuruar në formë trëndafili e gjethe majdanozi nëpër të. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin