01/01/2014 19:30:35

Strategji e përbashkët qeverisjeje dhe fond i veçantë për Preshevën

Na Janar do të mblidhen qeveritë në Prizren

PRISHTINË - Qeveria e Kosovës dhe ajo e Shqipërisë pritet që me fillimin e Vitit të Ri të zhvillojnë të parën mbledhje të përbashkët, në qytetin historik të Prizrenit. Mbledhja e përbashkët e dy qeverive u paralajmërua nga kryeministri i Shqipërisë, Edi Rama, në 13 shtator gjatë vizitës që zhvilloi në Prishtinë, me anëtarë të Kabinetit, vizita e tij e parë në cilësinë e Kryeministrit pas prezantimit të programit të qeverisë në Kuvendin e Shqipërisë. Ambicja e qeverisë së Shqipërisë, sikurse u shpreh Kryeministri Rama në konferencën për shtyp të fundvitit 2013, është një hartimi dhe funksionimi i një strategjie të përbashkët qeverisje me Kosovën, për t’i bërë kufijtë e padukshëm. Mbledhja e parë e qeverisë së Shqipërisë dhe asaj të Kosovës do të zhvillohet në janar 2014, ku pritet të akordohet edhe një fond për Preshevën. Në këtë mënyrë qeveria Rama pritet të përmbush zotimin për t’u ardhur në ndihmë shqiptarëve që jetojnë atje. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin