30/12/2013 09:11:29

Schumacher në gjendje kritike për jetën

Schumacher u rrëzua dhe mori një goditje në kokë dje, ndërkohë që po bënte ski në një sektor jashtë piste

LION - Ish-kampioni i botës i Formula 1 Michael Schumacher është në gjendje kritike për jetën pas aksidentit në alpet franceze, njoftoi dje në mbrëmje vonë qendra spitalore universitare e Grenoblës. "Ai është në koma dhe e ka të nevojshme një ndërhyrje neurokirurgjikale", tha kjo qendër. Schumacher u rrëzua dhe mori një goditje në kokë dje, ndërkohë që po bënte ski në një sektor jashtë piste, i shoqëruar nga persona të tjerë. Michael Schumacher, i cili do të mbushë 45 vjeç më 3 janar, është deri më sot piloti i Formula 1 i cili ka marrë më shumë tituj në botë, pasi ai ka marrë shtatë herë titullin kampion i botës në periudhën 1994-2004 dhe ka regjistruar 91 fitore në Grand Prix. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin