29/12/2013 14:56:05

Hersi Matmuja drejt Eurosong

Festa më e madhe këngës shqiptare u zhvillua për tre netë në Pallatin e Kongresve në Tiranë

TIRANE - Hersi Matmuja përfaqëson Shqipërinë në Eurovision Song 2014, me këngën "Zemërimi i një nate", e cila u shpall fituese e edicionit të 52 të Festivalit në Radio Televizionin Publik Shqiptar. Kënga e interpretuar nga Matmuja, me vargje të Jorgo Papingjit dhe muzikë e orkestrim të Genti Lakos, u përzgjodh nga juria si kënga më e mirë mes 16 krijimeve të reja. Juria e përbërë nga emra të njohur të muzikës dhe fjalës si Agim Krajka, Aleksander Lalo, Hajg Zaharian, Petrit Malaj, Xhevahir Spahiu, Eriona Rushiti dhe Bojken Lako, vlerësoi me çmim të dytë këngën “Me ty”, interpretuar nga Klodian Kaçani, dhe me çmim të tretë këngën “Grua”, interpretuar nga Saimir Braho. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin