26/12/2013 12:56:29

Nis sot festivali i 52 i këngës në RTSH

Formula e re e këtij viti parashikon që natën e parë të festivalit, 26 dhjetor, të prezantohen tetë këngë konkurente dhe tetë të tjerat natën e dytë

TIRANË - Vetëm pak orë na ndajnë nga edicioni i 52 i Festivalit të Këngës në RTSH, eventi më i rëndësishmë muzikor që përzgjedh këngën që do përfaqësojë Shqipërinë në Eurovizion.

Përgjatë dy netëve të para në skenën e Festivalit të Këngës do të jenë të pranishëm edhe artistë të njohur, “Big”, të cilët do të këndojnë duete me konkurentët e këtij viti, këngë të njohura të kënduara përgjatë viteve në skenën e festivalit të RTSH-së, çka do të shtojë edhe më shumë nivelin e performancës së këtij eventi.

Nën drejtimin e Enkel Demit, Klea Huta, Xhesika Berberit dhe Marinela Metës, festivalit nuk do t’i mungojnë elementët e spektaklit.

Të ftuarit specialë të këtij viti janë fituesja e Eurosong 2013, danezja Emmelie Charlotte-Victoria de Forest, e cila fitoi Festivalin Europian të këtij viti me këngën “Only Teardrops” dhe Elhaida Dani, fituese e ”The Voice of Italy”.

Këtë vit drejtor i Festivalit është Alfons Zeneli, njëherësh edhe drejtor i Radio Tirana. Drejtorët artistikë janë Edmond Zhulali dhe Shpëtim Saraçi, ndërsa producent muzikor është Alfred Kaçinari. Regjia e festivalit të këtij viti i është besuar Petri Bozos, skenari Alda Bida, ndërsa skenografia mjeshtrit Adnan Kastrati. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin