26/12/2013 10:13:01

Nobel për paqe. New York Times thotë të sajën

Disa ditë më parë një grup ligjvënësish amerikanë emëruan kryeministrat Thaçi dhe Daçiç si pretendentë për Nobel. Thaçi, çmimin e meritojnë qytetarët e Kosovës

PRISHTINE - Ndërsa Kryeministri i Kosovës pretendon të marrë çmimin Nobel për paqe së bashku me homologun e tij serb Ivica Daçiç, gazeta amerikane e quan deri diku të tepruar këtë gjë.

Ajo shkruan se ish-drejtuesit e Ushtrisë Çlirimtare të Kosovës dhe diplomatët perëndimore thonë se ai ka qenë një udhëheqës i pamëshirshëm i UÇK-së, që urdhëronte arrestime, vrasje dhe përndiqte rivalët e mundshëm të tij. "Luftëtarët e tjerë e quanin "gjarpër", shkruan.

Daçiç, nuk shikohet si një nobelist i mundshëm, po ashtu. NYT hedh vështrimin dhe në situatën sociale, ekonomike dhe politike të Serbisë dhe e quan vendin më të korruptuar në Europë. Për Kosovën po ashtu.

Tre ditë më parë një grup ligjëvenësish amerikanë emëruan kryeministrat e Kosovës dhe Serbisë, Hashim Thaçi dhe Ivica Daçiç, si dhe shefen e politikës së jashtme të Bashkimit Europian, Catherine Ashton kandidatë për çmimin Nobel të Paqes për vitin 2014.

K/ministri i Kosovës shkruan në FB se "pavarësisht çfarë ndodh më tutje, Nobel-in për Paqe, heroizëm, qëndresë e pjekuri, më shumë se kushdo tjetër e meritoni ju, qytetarë të Kosovës". Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin