24/12/2013 14:24:21

Nobeli i Paqes per kosovaret

Hashi Thaci jep deklaraten vleresuese ndaj tij

PRISHTINE- " Nobelin për Paqe e meritojnë qytetarët e Kosovës", vlerëson kryeministri kosovar, Hashim Thaçi.Në faqen e tij në rrjetin social "Facebook" Thaçi shkruan se "dje mora lajmin për nominimin për Çmimin Nobel për Paqe nga Kongresi Amerikan. Sigurisht që u ndjeva i nderuar. Dua t’ju flas nga zemra: pavarësisht çka ndodh më tutje, Nobelin për Paqe, heroizëm, qëndresë e pjekuri, më shumë se kushdo tjetër, e meritoni Ju, qytetarë të Kosovës. E meritojnë mësuesit që me vetëmohim hapen shkollat e para, e na mësuan gjuhën dhe historinë tonë. Profesorët e parë të Universitetit të Prishtinës, që çdo ditë ecnin në teh të rrezikut, që krahas dijes na edukuan me atdhedashuri e dinjitet".

"E meritojnë mjekët, që na shëruan plagët, ushtarët që në altarin e atdheut dhanë jetën për liri duke u bërë dëshmorë të përjetshëm, invalidët e luftës, familjet e dëshmorëve- heronjtë e lirisë së Kosovës, që janë themeli i shtetit tonë të ri.Ju qytetarë të Kosovës jeni heronjtë e vërtetë të heshtur, heronjtë e Nobelit të lirisë së Kosovës dhe paqes në Europë". Prandaj nominimi për Nobel ju takon juve qytetarë të Kosovës", përfundon kryeministri Thaçi.

Mbrëmë njoftohej se, një grup ligjvenësish amerikanë emëruan të hënën kryeministrat e Kosovës dhe Serbisë, Hashim Thaçi e Ivica Daçiç, si dhe shefen e Politikës së Jashtme të Bashkimit Evropian, Catherine Ashton si kandidatë për çmimin Nobel të Paqes për vitin 2014.

Nga tetori i vitit 2012 deri në fund të këtij viti, kryeministrat Thaçi dhe Daçiç janë takuar 20 herë në Bruksel me ndërmjetësimin e zyrtares së lartë të BE-së, duke arritur të bien dakort për çështje delikate mes të dy vendeve.
Na ndiqni dhe në Facebook dhe Twitter

Dërgo me email | Stampo artikullin