24/12/2013 12:35:48

Korça feston me nxënësit e dalluar

Festa e fundvitit në qytet

KORÇË - Nxënësit më të mirë të shkollave 9-vjeçare, publike dhe jopublike të qytetit te Korçes morën pjesë në koncertin tradicional të fundvitit, organizuar nga Bashkia në bashkëpunim me Teatrin “Çajupi” dhe grupin artistik “House of Art’s Elvis”. Me një koncert të pasur me këngë të gëzueshme kushtuar festave më të dashura të fëmijëve, Krishtlindja dhe Viti i Ri, me kërcime të larmishme, fëmijët pritën Babagjyshin e Vitit të Ri për të marrë dhuratat. Fëmijët e Sallës së Kërcimit "House of Art's Elvis", nen drejtimin e instruktorëve të tyre Bardhi Pojani dhe Blerta Belliu, sollën në skenën e Teatrit "Çajupi" një shfaqje të bukur dhe emocionuese për të gjithë të pranishmit. Koncertin tradicional të fundvitit e përshëndeti edhe Kryetari i Bashkisë, Sotiraq Filo dhe Prefeti i Korçës, Ardit Konomi. Pas spektaklit janë ndarë dhurata për të gjithë nxënësit e dalluar të shkollave. Për rezultate të shkëlqyera në mësime Bashkia e Korçës përgatiti 210 dhurata për 14 shkollat e qytetit. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin