21/12/2013 17:45:15

Dritat për fundvit në Durrës

Në Galerinë e Arteve ''Nikolet Vasia'', do të hapet sot edhe ekspozita e fundvitit, e piktorit Edmond Kojani, i cili do të paraqitet me disa nga tablotë e tij më të mira në vitet e fundit

DURRËS - Koncerte muzikore dhe ekspozita të arteve figurative janë vetëm disa nga veprimtaritë kulturore që do zhvillohen gjatë këtyre ditëve në qytetin bregdetar të Durrësit, në prag të festave të fundvitit. Orkestra e harqeve “Aleksandër Moisiu” ka programuar dy koncerte gjatë këtyre ditëve.

Në spektaklin që do të jepet mbrëmjen e sotme në pallatin e kukturës “Aleksandër Moisiu” të qytetit, kemi përzgjedhur vepra nga autorë vendas dhe të huaj, ku katër solistë durrsakë do të jenë pjesë e këtij koncerti-tha dirigjenti i orkestrës, Petrika Afezolli.

Soprano Ilsida Çullhaj, tenorët Ardian Kamberi dhe Julian Gjojdeshi, si dhe kitaristi Dashamir Mehmeti, pritet ta bëjnë edhe më të bukur mbrëmjen e sotme muzikore.

Ndërkohë që në Galerinë e Arteve “Nikolet Vasia”, do të hapet sot edhe ekspozita e fundvitit, e piktorit Edmond Kojani, i cili do të paraqitet me disa nga tablotë e tij më të mira në vitet e fundit. Kohët e fundit, piktori vlonjat ka hapur në qytet të ndryshme ekspozitën e pikturës “Vjeshtë 2013”.

Ditët e ardhshme, në qytetin e Durrësit janë programuar edhe veprimtari të tjera me rastin e festae të fundvitit. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin