21/12/2013 17:35:36

Lidhen dy sistemet energjitike

Ndërtimin e kësaj linje e mundëson qeveria gjermane përmes bankës KFV

PRIZREN - Te shtunen pasdite është nënshkruar në mjediset e shtëpisë së Lidhjes Shqiptare të Prizrenit kontrata për ndërtimin e linjës se interkonjeksionit 400 kV Shqipëri – Kosovë. Në praninë e Ministrit të Energjitikës dhe Industrisë së Shqipërisë, Damian Gjiknuri dhe Ministrit të Zhvillimit Ekonomik të Republikës së Kosovës, Fadil Ismaili, ambasadorit gjerman në Prishtinë dr. Peter Blomeyr, përfaqësuesit e dy firmave të ndërtimit të linjës së interkonjeksionit, aministratori i përgjithshëm i OST-së, Engjëll Zeqaj dhe Naim Bejtullahu, kryeshef ekzekutiv, Operator i Sistemit, transmesionit dhe tregut sha të Kosovës, nënshkruan kontratën për fillimin e punimeve. Ndërtimin e kësaj linje e mundëson qeveria gjermane përmes bankës KFV. Në pjesën kosovare 16,5 milion euro janë ndihmë dhe 17 milion euro janë kredi. Ndërsa në pjesën shqiptare ndërtimi i kësaj linje mundësohet përmes kredise së bankës KFV prej rreth 42 milion euro. Administratori i përgjithshëm i OST-së, Engjëll Zeqaj theksoi se, linja e interkonjeksionit mundëson lidhjen e dy sistemeve energjitike. Shqipëria ka pasuri të mëdhë hidroenergjitike ende të pashfrytëzuara, ndërsa shfrytëzimi i përbashkët krijon besueshmeri në e linjave energjitike të të dy vendeve. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin