14/12/2013 15:21:08

Cfarë ndodh në internet në një minutë?

Banka e Investimeve Gp Bullhound ha kryer një studim mbi aktivitetet online në të gjithë botën

HermesNews- Shumë vete mund të kenë pyetur veten se çfarë ndodh në internet në një minutë. Për këtë qëllim Banka e Investimeve Gp Bullhound ha kryer një studim mbi aktivitetet online në të gjithë botën.

Cfarë bëjnë vallë përdoruesit gjatë kohës që shpenzojnë në web?!

Mesatarisht ata shpenzojnë pjesën më të madhe të kohës duke shpërndare video, foto dhe mendime në rrjetet sociale. Gjithsesi aktiviteti më i preferuar mbetet ende kërkimi online në motorat kërkues si google, duke totalizuar numra të paimagjinueshëm deri disa vite më parë.

Duke llogaritur këto aktivitete në mbarë botën vetëm për një minutë rezulton se janë kryer tre milionë e gjysëm konsultime në google, 350 mijë cicërima në Twitter, 243 mijë foto të klikuara në Facebook. Ndërsa rekondi vjen nga you tube, ku në një minutë të vetëm hyjnë rreth 100 orë filmatesh të reja.

Nuk mbetet prapa as Amazon, siti i shitjeve online, i cili në 2013-ën arriti mesatarisht të fitonte 118 mijë dollarë të ardhurash në minutë. Paksa më modeste ndoshta rritja e Linkedin ku regjistrohen rreth 120 përdorues në vetëm 60 sekonda.

Gjiganti Google, sipas të dhënave, fiton një rritje rreth 100% në bazë të kërkimeve që kryhen në këtë faqe kërkimi. You Tube, nga ana tjetër, ka trefishuar rezultatin e vitit të shkuar.

Edhe pse, si përfundim, duket se zakonet dhe interesat e përdoruesve të internetit nuk ndryshojnë nga viti në vit, është gjithmonë “interesante” çka ndodh në një minutë të vetëm në platformat e web-it. Na ndiqni dhe në Facebook dhe Twitter

Daniela Vathi

Dërgo me email | Stampo artikullin