13/12/2013 13:46:38

Teatri Kombetar shfaq 'Edipi mbret'

Rrikthehet pas disa kohes per artedashesit

TIRANE- Shfaqja “Edipi Mbret” e regjisorit Ilir Bokshi, një bashkëprodhim Shqipëri-Kosovë, rikthehet këtë fundjavë në Teatrin Kombëtar.Kjo shfaqje fitoi pak ditë më parë ç mimin e publikut në edicionin e dytë të Festivalit Mbarëkombëtar të Teatrove në qytetin e Tetovës. Historia e tragjedisë së Edipit atëvrasës dhe incestuoz vjen për publikun në një kënvështrim të ri nën regjinë e Ilir Bokshit. Shfaqja i qëndron besnike antikitetit. E bazuar në variantin klasik, por e afruar në ditët tona, “Edipi Mbret” është një shfaqje, ku muzika dhe koreografia janë elementë të dorës së parë.

Helidon Fino është protagonisti i shfaqjes, nën interpretimin e Edipit. Jokastra do të vijë nga Yllka Mujo, Korifeu nga Ema Andrea, Kreoni nga Neritan Liçaj, etj. Aktorët këndojnë dhe sjellin gjëndjen emocionale të veprës edhe përmes lëvizjeve të shumta skenike të konceptura nga Ema Andrea. Ndërsa kompozitori Trimor Dhomi përveç këngës labe, daulleve, sjell dhe rënkimet e stilizuara në grup.

Shfaqja është një produksion i Teatrit Kombëtar në bashkëpunim me Teatrin Kombëtar të Kosovës. Nga Teatri i Prishtinës pjesë e produksionit është jo vetëm regjisori Ilir Bokshi, por edhe kompozitori, Trimor Dhomi, skenografi Petrit Bakalli dhe kostumografja Vesa Kraj
Na ndiqni dhe në Facebook dhe Twitter

HermesNews-©2013

Dërgo me email | Stampo artikullin