09/12/2013 16:05:51

Nderron jete Ali Jakupi

I jepet lamtumira dhe respekt. politikanit te njohur

PRISHTINE- Deputeti i Legjislaturës së Parë të Kuvendit të Kosovës së paluftës dhe ish-ministër i Industrisë dhe Tregtisë, prof. dr. Ali Jakupi, ndërroi jetë sot në moshën 70 vjeçare. Kryeministri i Kosovës, Hashim Thaçi, në një telegram ngushëllimi thekson se, "profesor Jakupi ka dhënë kontribut të vazhdueshëm në edukimin e brezave, ashtu edhe në drejtimin e institucioneve të rëndësishme të Kosovës. Emri dhe vepra e profesor Ali Jakupit janë sinonim i punës së palodhshme prej veterani të arsimit, krijuesit letrar dhe menaxherit të suksesshëm".

Kryetari i Kuvendit të Kosovës, Jakup Krasniqi, në telegramin e ngushëllimit familjes shprehet se, "Ali Jakupi me punën e tij të palodhshme dha kontribut të çmuar në fushën e legjislacionit të vendit tonë, si deputet i Legjislaturës së Parë. Ai gjithashtu dha kontribut të çmuar edhe si ministër në Qeverinë e Kosovës".

Ali Jakupi ishte doktor i shkencave ekonomike, profesor në Universitetin e Prishtinës e disa universitete tjera. Ishte drejtor i përgjithshëm i Ndërmarrjes Rilindja në Prishtinë, në kohën kur ky institucion kundërshtoi fuqishëm masat e dhunshme kundër Kosovës të regjimit të atëhershëm të Beogrdit, të kasapit të Ballkanit Slobodan Milosheviç.
Na ndiqni dhe në Facebook dhe Twitter

HermesNews-©2013

Dërgo me email | Stampo artikullin