02/12/2013 13:51:42

Vdekje e dyshimte ne mes te sheshit

Viktime ne sheshin 'Nene Tereza' ne Prishtine

PRISHTINE- Policia e Kosovës raporton një rast “vdekje e dyshimtë” në Sheshin Nëna Terezë në Prishtinë, ku mbrëmë gjatë manifestimit të Lëvizjes Vetëvendosje është vërejtur një person shqiptar kosovar i shtrirë në tokë. Vdekjen e ka konstatuar mjeku kujdestar.

Në raportin policor të 24 orëve të fundit njoftohet se në fshatin Mikushnicë të Mitrovicës nga shpërthimi i dy bombolave të gazit kanë pësuar lëndime trupore dy shqiptarë kosovarë, të cilët janë dërguar për trajtim mjekësor në Prishtinë.

Raportohet edhe se në Graçanicë për shkaqe të panjohura një veturë është përfshirë nga zjarr, rreth 30 minuta pas nisjes. Një incident tjetër zjarri ka ndodhur në Rrugën Tirana të qytetit të Shtimes, ku është përfshirë nga flakët një shtëpi e një shqiptari kosovar. Njësiti i zjarrfikësve ka bërë lokalizimin e zjarrit, ndërsa nuk raportohet për të lënduar.

Në 24 orë në trafikun rrugor të Kosovës kanë ndodhur 41 aksidente, 12 prej tyre me persona të lënduar, ndërsa janë vendosur 232 gjoba për kundërvajtje. Sipas statistikave të raportit të sotëm të Policisë janë arrestuar 21 persona e 18 janë ndaluar, për motive të ndryshme.
Na ndiqni dhe në Facebook dhe Twitter

HermesNews-©2013

Dërgo me email | Stampo artikullin