02/12/2013 13:24:51

Historia e TKOB ne ekspozite

60 vjet kulture e rendesishme shfaqet ne foto

TIRANE- Përpara se të futesh në skenë e TKOB-së, për të parë shfaqjen e rradhës, mund të mësosh përmes fotografive historikun e një prej institucioneve më të rëndësishme të kulturës në vend, ku kanë interpretuar jo vetëm artistët më në zë vendas por, edhe mjaft të huaj të cilët publiku ka mundur t’i shijojë nga afër.

Historia 60-vjeçare e Teatrit Kombëtar të Operas dhe Baletit rrëfehet përmes fotografive të ekspozuara në hollin e këtij institucioni. Janë rreth 140 imazhe të shkëputura nga jeta artistike e TKOB-së, ku artistë të shumtë i kanë dhënë zë veprave më të rëndësishme botërore, por edhe atyre kombëtare.

Vetëm pak fotografi i përkasin viteve të para të këtij institucioni, rreth 40-të prej tyra, pasi një pjesë e madhe e fotografive kanë humbur. Pjesa më e madhe e ekspozitës ka foto të shkrepura nga Hamdi Petrela, fotografi që punon me pasion prej 20 vitesh në TKOB.

Historia e këtij institucini përmes fotografive nis me operan e parë vënë në skenë në vitin 1953, “Rusalka” interpretuar nga sopranoja Xhyzepina Kosturi. Nga fotot bardh e zi historia kalon tek fotografitë me ngjyra cilësia e të cilave është në rritje ndër vite. Që nga operat e para shqiptare “Mrika”, “Halili dhe Hajria”, “Delina”, “Komisari”, “Skëndërbeu” e deri tek premierat e operave me në zë botërore që u ngjitën ne skenën shqiptare si, “La Traviata”, “Romeo dhe Zhulieta”, “Toska”, “Otello”, “Don Xhovani”, e shumë te tjera qëndrojnë të ekspozuara njëra pas tjetërs dhe “rrëfejnë” historinë dhe zhvillimin e operës dhe baletit shqiptar.
Na ndiqni dhe në Facebook dhe Twitter

HermesNews-©2013

Dërgo me email | Stampo artikullin