01/12/2013 22:33:48

Mbyllen kutitë në Kosovë

Në raundin e parë në 3 nëntor vetëm në 13 komuna kandidatët e subjekteve politike kaluan 50 përqindëshin e votave të nevojshme për t’u zgjedhur

PRISHTINË - Ora 19.00 ka shenuar kohën zyrtare të mbylljes së votimeve të sotme në Kosovë të hapura në orën 07.00 në balotazhin për zgjedhen e kryetarëve të 25 nga gjithësaj 38 komunat dhe të rivotimit të pjesshëm në një komunë.

Në raundin e parë në 3 nëntor vetëm në 13 komuna kandidatët e subjekteve politike kaluan 50 përqindëshin e votave të nevojshme për t’u zgjedhur, ndërsa sot në raundin e dytë garuan 50 kandidatë, në secilën komunë nga dy fituesit e numrit më të mëdh të votave në raundin e parë.

Për zgjedhjet e balotazhit të sotëm numri i votuesve ishte 1 371 524, për të cilët ishin të hapura 1 816 vendvotime në 594 qendra. Nga këto zgjedhje lokale kosovare, të parat në gjithë territorin e Kosovës, formohet një komunë e re me shumicë serbe, ajo e Mitrovicës Veriore, ku po ashtu sot u zhvillua balotazhi për kryetar.

Po sot u zhvillua edhe rivotim në një komunë në veri të Kosovës, atë të Zveçanit, sipas vendimit të KQZ-së që të përsërise zgjedhjet në tre vendvotime. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin