01/12/2013 22:28:20

Ndahen çmimet Marie Kraja

Festivalit ndërkombetar i shtohet çmimi San Prize, i cili do t’i shkojë këngës më të mirë klasike

TIRANË - Këngëtarë lirikë nga vendi ynë, Europa, Azia, Amerika e Australia do të interpetojnë sot, në natën e dytë të festivali ndërkombëtar operistik “Marije Kraja”, ku do të ndahen çmimet fituese. Janë 15 artistë që do të garojnë për çmimi e parë në këtë edicion të 13-të, që zhvillohet në Teatrin Kombëtar të Operas dhe Balëtit. Një nga risitë e këtij edicioni është pjesëmarrja në të e pesë tenorëve. Për producenten Zana Çela, ky është një fakt i rëndësishëm, duke ditur tashmë “krizën” e tenorëve në shkallë botërore. Një element i shtuar në këtë festival është çmimi “San Prize”, i cili do t’i shkojë këngës më të mirë klasike. Pra, përveç dy interpretimeve të arieve, këngëtarët do të interpretojnë edhe një këngë klasike, në bazë të së cilës do të vlerësohen me këtë çmim special. Juria që në edicionin e parë të këtij festivali e deri sot, përbëhet nga artistë që vijnë nga vende të ndryshme të botës, drejtorë të operave nacionale europiane, këngëtarë e kompozitorë nga më të njohurit, presidentë agjencish operistike nga më të suksesshmet në Europë. Për këtë edicion, kryetari i jurisë është Brajan Diki, që ka kaluar më shumë se gjysmë shekulli në fushën e operës, shoqëruar nga Nancy Rhodes, drejtore e Operës së Re të Nju Jorkut, si dhe Danusa Luknisova e Xhovana Lomazi. “Marie Kraja” rikthehet pas një viti mungese në edicionin e tij të 13-të, në Teatrin Kombëtar të Operës dhe Baletit. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin