28/11/2013 14:57:08

Urimi i Hashim Thaçit për festën e Pavarësisë

''Uroj gjithë kombin shqiptar për Festën e Flamurit''

PRISHTINË - Kryeministri i Republikës së Kosovës, Hashim Thaçi, me rastin e 28 Nëntorit, ditës së shpalljes së Pavarësisë së Shqipërisë dhe të Flamurit Kombëtar, ka bërë homazhe dhe ka vendosur lule në kompleksin memorial "Adem Jashari" në Prekaz, si dhe para shtatores së komandantit të UÇK-së, Zahir Pajaziti dhe para shtatores së ish-presidentit Ibrahim Rugova në Prishtinë. "Në emër të Qeverisë së Kosovës, të gjithë qytetarëve të Kosovës, uroj shtetin shqiptar për 101 vjetorin dhe në të njëjtën kohë uroj gjithë kombin shqiptar për Festën e Flamurit. Le të mbetet kjo festë gjithmonë festë e unitetit, e bashkimit, e afrimit, e solidaritetit, e marrjes së përgjegjësive të reja për konsolidimin dhe forcimin e shtetit tonë, por edhe për afirmimin e kombit shqiptar", theksoi kryeministri Thaçi. Gjatë nderimeve në Prekaz dhe Prishtinë, kryeministri Thaçi ishte i shoqëruar nga zv/kryeministri Behgjet Pacolli, nga ministrat Enver Hoxhaj dhe Bajram Rexhepi. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin