26/11/2013 14:33:31

Premiera e re e cirkut kombëtar

''Për ju...gjithçka''

TIRANË - Cirku Kombëtar do të shfaqë çdo të shtunë dhe të diel, duke filluar nga kjo fundjavë nëntori premierën e re nën titullin ''Për ju ...gjithçka''. Kjo shfaqje realizohet me pjesëmarrjen e trupës së artistëve të Cirkut Kombëtar si dhe me pjesëmarrjen e fëmijëve të Studios së Cirkut. Numrat janë të shumëllojshëm. Arena e Cirkut të Tiranës ka paraqitur për publikun tablo litari, numra me trapez, topa, tel të lirë dhe numra prestigjatori. E veçanta e kësaj premiere janë fëmijët nga mosha 5-7 vjeçare të cilët nuk kanë më shumë se tre muaj që frekuentojnë cirkun dhe performojnë një numër me ushtrime akrobatike të ndërthurur me një koreografi. Gjithashtu në shfaqje mbyllja vjen me një performancë me zjarr ku shumë artistë shfaqin aftësitë e tyre sigurisht me vegla të ndryshme si: flakë me shishe, me zinxhirë, flakë me gojë, me rrathë etj. Shfaqja fillon në orën 11:00. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin