24/11/2013 09:55:26

Trelece

nga Brunhilda Çela

Sekretet e aromave të Brunhildës Këtu kam bërë një të hollë fare me gjysmat e masave, pra përgjysmova masat e librit të cilat janë:
- 4 vezë (unë mora 5 se ishin shumë të vockla)
- 150 gr miell
- 100 gr sheqer unë i vura dhe më pak ngaqë do i vihet shërbeti
- 1 pako sheqer vaniljeje
- lëkura e 1 limoni jo patjetër
- 1 gotë rakie rum
- 1 lugë kafeje pluhur pjekës
- 65 gr gjalpë të tretur (foto album)

Sipas nevojës mund t'ju duhen dhe 2-3 lugë qumësht.

Për shërbetin:
- një gjysmë gote krem pana
- një gjysmë gote qumësht të trashë ai që përdoret për kafe
- një gjysëm gote qumësht i kondensuar, pak esencë rumi ose 1 gotë të vogël rakie rum.

Masat origjinale të recetës që t'ju dalë e lartë ëmbëlsira janë:

8 kokrra vezë
300 gr miell
125 gr gjalpë të tretur
200 gr sheqer
1 pako sheqer vaniljeje
1 lugë gjellë pluhur pjekës
1 pako sheqer vaniljeje
esencë rumi ose 2 gota rakie rum
sipas nevojës 3-4 lugë qumësht
nëse doni mund t'i vini lëkurë limoni

Për shërbetin:

një gotë krem pana
një gotë qumësht të trashë ai që përdoret për kafe
nje gotë qumësht i kondensuar, pak esencë rumi ose 1 gotë të vogël rakie rum.

Për karamelin unë mora 1 gotë sheqer (gotë e vogël jo e madhe fare) dhe një gotë qumësht të trashë. E shkriva sheqerin sa bëhet karamel dhe shtoj qumështin, e lë të zihet sa lidhet e bëhet një salcë e trashë karameli.

Për kremin lart rraha kremin pana dhe e përzieva me salcën e karamelit dhe
e lë dhe pak salcë karamel mënjanë për t'ia hedhur sipër për bukuri dhe pak kokos sipas dëshirës. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin