23/11/2013 13:54:03

Kercenohet shefi i klubit Elbasan

Vendoset tritoli ne banesen e Erjon Sjapit

ELBASAN- Një sasi tritoli ka shpërthyer rreth orës 12.35 minuta të kësaj mesdite, në portën e banesës së Shefit të Klubit të Futbollit, Erjon Sjapi, fatmirësisht pa shkaktuar dëme në njerëz.

Burime paraprake të Policisë në vendin e ngjarjes bëjnë të ditur se pak ditë më parë, Sjapi është kërcënuar nga prindërit e disa sportistëve të ekipit të të rinjve, dhe ndoshta ky është edhe shkaku u shpërthimit të triotolit, i cili ka shkaktuar panik tek banorët e pallatit në lagjen "Kongresi i Elbasanit", përgjatë bulevardit kryesor të qytetit.

Policia dhe grupi i ekspertizës në vendin e ngjarjes po punojnë për zbardhjen e shkaqeve të këtij shpërthimi. Erjon Sjapi, 35 vjeç, babai i dy fëmijëve, prej një viti është emëruar në këtë post.
Na ndiqni dhe në Facebook dhe Twitter

HermesNews-©2013

Dërgo me email | Stampo artikullin