20/11/2013 08:03:37

Ministrat në Paris për vizat

Diskutohet proçesi i liberalizimit të vizave me Kosovën dhe gjëndja e azilkërkuesve

PRISHTINË - Ministrja kosovare e Integrimit Europian, Vlora Çitaku dhe ministri i punëve të brendshme, Bajram Rexhepi, gjatë vizitës në Paris kanë pasur një axhendë mjaft të ngjeshur takimesh. Gjatë këtyre ditëve ata janë takuar me zyrtarë të lartë të Qeverisë franceze, anëtarë të Parlamentit francez dhe anëtarë të Parlamentit Europian nga Franca.

Takimi i radhës i dy ministrave kosovarë ishte me Drejtorin e Pergjithshëm të imigracionit pranë Ministrisë së Punëve të Brendshme, Luc Derepas, ku u diskutua për procesin e liberalizimit të vizave për Kosovën, migracionin kosovar në Francë, përkushtimin dhe hapat që Qeveria e Kosovës është duke i marrë për të parandaluar nivelin e migrimit të kosovarëve në shtetet e zonës Schengen.

Derepas foli më në detaje për gjendjen aktuale me azilkërkuesit kosovarë në Francë dhe bëri thirrje për qytetarët e Kosovës që të mos bien pre e kontrabandistëve dhe përfituesve të tjerë për një perspektivë më të mirë për të emigruar në Francë sepse Franca si shtetet e tjera të zonës Schengen nuk e pranon arysetimin për azil për qytetarët e Kosovës për faktin se në Kosovë qytetarët nuk janë të kërcënuar dhe siguria është në nivel të respektueshëm, prandaj edhe azili në Francë do t'u refuzohet. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin