18/11/2013 13:13:10

Inagurohet Instituti 'Konfuci'

Dimension per marrdheniet Shqiperi-Kine

TIRANE- Kryeministri Edi Rama, i cili mori pjesë sot në inaugurimin e institutit Konfuci, pranë Universitetit të Tiranës e vlerësoi atë si dëshmi të re dhe dimension krejt të posaçëm të marrëdhënieve Shqipëri-Kinë. "I pranishëm në 96 vende të botës në universitetet më të njohura ndërkombëtare, kjo prani e mirëseardhur në vendin tonë, besoj se do t’i japë kuptim më të plotë edhe bashkëpunimit në sektorë të tjerë", theksoi Rama në fjalën e tij.

Ai shprehu besimin se “Instituti “Konfuci”, vjen ndoshta si nevojë e shkëmbimeve në rritje dhe duke sjellë dije e njohje, e përmes tyre sjell dhe zhvillimin”. Duke e cilësuar si speciale miqësinë mes dy vendeve dhe historikun e marrëdhënjeve, Rama shtoi se "distanca fizike mes dy popujve shqiptar dhe kinez, nuk ka rënë në sy, për shkak të një miqësie që lidhi vendet tona për disa dekada".

"E megjithatë, -tha ai, njohuria jonë në aspekte të veçanta të artit dhe multikulturalizmit kinez, ndryshe nga vendet e tjera të zhvilluara në botë, është thellësisht e mangët". Qëllimi kryesor i Institutit “Konfuci” është promovimi i gjuhës dhe kulturës kineze në botë.
Na ndiqni dhe në Facebook dhe Twitter

HermesNews-©2013

Dërgo me email | Stampo artikullin