15/11/2013 21:58:59

Dashuria dhe pushteti i Bruno Vespas

Një shekull histori të Italisë përmes dashurisë

TIRANË - Gazetari italian Bruno Vespa, u rikthye në Shqipëri për të promovuar librin e tij të përkthyer së fundi në shqip “Dashuri dhe Pushtet”. I përkthyer nga gazetarja Beti Njuma, libri u promovua sot, në Universitetin Europian të Tiranës. Libri i Vespas tregon një shekull histori të Italisë përmes dashurisë. Një portret i papublikuar më parë i pushtetit, shkruar nga Bruno Vespa në transmetimet e drejtpërdrejta.

“Dashuria dhe pushteti” është rrëfimi i historisë së Italisë të shekullit të fundit, jetuar nga gratë që kanë qenë në krah të protagonistëve të saj: nga Benito Musolini te Romano Prodi, nga Vitorio Emanueli III te Silvio Berluskoni, nga Alccide de Gasperi te Betino Kraksi, nga Antonio Gramshi te Valter Veltroni.

Por, gjithmone, ndonese me dritehije te ndryshme, grate kane pasur nje ndikim jo te parendesishem ne ekzistencen, domethene ne zgjedhjet e atij qe ka qeverisur ose te atij, gjithsesi, qe ka pasur nje rol vendimtar ne politiken italiane.

Të pranishëm në promovim ishin studentë e pedagogë të UET, si edhe përfaqësues të botës akademike, ambasadës italiane në Tiranë dhe medias. Autori Vespa falenderoi shqiptarët për interesin e treguar që solli edhe përkthimin e librit të tij në shqip. Më herët Bruno Vespa ju përgjigj edhe pyetjeve të studentëve të Universitetit Europian të Tiranës. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin