12/11/2013 19:12:48

Promovohet ''Ditari i 23 qershorit'' i Alfred Pezes

Autori përshkruan makinën politike shqiptare deri në ingranazhet e veta më të imëta

TIRANE - U zhvillua sot promovimi i librit "Ditari i 23 qershorit" nga Alfred Peza. Librin e prezantuan botuesi Henri Çili, autori i parathënies Ben Blushi dhe vetë autori Alfred Peza. Libri është pjesë e kolanës Scripta Manent. Peza përshkruan makinën politike shqiptare deri në ingranazhet e veta më të imëta. Dhunë, mashtrim, vjedhje votash, dyshim, mohim dhe rivalitet për të shtuar varfërinë. Kjo është makina politike që ka ecur deri sot nëpër rrugët e Shqipërisë. Fredi u ngjit në këtë makinë para disa muajsh pasi kishte punuar gjithë jetën në ofiçinën e ndërgjegjes. Ai kishte qenë pjesë e shtypit dhe nga larg kishte shkruar pa fund për dëmet që makina politike shqiptare i kishte bërë arave, fushave, maleve, ujërave dhe deteve të vendit të vet. Ai kishte numëruar viktimat e saj në distancë. Çdo vit përgjatë 18 viteve të fundit. Eshtë një kënaqësi e dyfishtë për mua si mik dhe si koleg që sot ai ka ardhur në makinën tonë politike. Jam i bindur që me të njëtin përkushtim dhe vullnet do mundohet për ta futur atë në rrugën e duhur. Duke shkruar “Ditarin” ka bërë atë që duhet. Na ka dhënë një fotografi ku shohim atë që nuk duhet të shohim. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin