10/11/2013 16:24:36

Armë kimike në Shqipëri ? Zgjedhim jetën !

Protestë para ambasadës shqiptare në Prishtinë

PRISHTINE - Të bashkohemi në Sheshin Skënderbej, të marshojmë drejt ambasadës shqiptare në Prishtinë, për të kundërshtuar njerëzisht nismat ndërkombëtare të cilat kanë për qëllim përdorimin e territorit të Republikës së Shqipërisë për asgjësimin e armëve kimike të konfiskuara nga Republika Arabe e Sirisë në bazë të një marrëveshjeje ruso-amerikane.

Ne i bashkohemi thirrjeve të vëllezërve tanë në Republikën e Shqipërisë dhe mendojmë se problemi i shkatërrimit të armëve kimike në Shqipëri është çështje nacionale dhe rajonale. Pasojat e saj mund të jenë shumë të mëdha dhe mund të shkojnë përtej kufijëve administrativë. Ne reagojmë kundër politikës butake e mercenare të Kryeministrit Rama, si dhe kundër presioneve ndërkombëtare mbi Shtetin Shqiptar.


“SHËNDETI YNË ËSHTË MBI TË GJITHA!”

Ne vendosshmërisht kundërshtojmë çdo iniciativë e cila mëton ta përdorë territorin shqiptar si laborator ku eksperimentohet me armë të shkatërrimit në masë.

Kërkojmë nga autoritetet shtetërore në Tiranë të reagojnë në emër të shtetit dhe të veprojnë vetëm në interes të sovranit të Republikës së Shqipërisë. Kërkojmë nga autoritetet shqiptare që vendosshmërisht të shfaqin maturi politike dhe njerëzore, dhe të konsiderojnë pasojat serioze që sjellin eksperimentet e tilla të rrezikshme.

“BASHKOHU EDHE TI!” //Komunikatë për shtyp// Na ndiqni dhe në Facebook dhe Twitter

Vedat Xhymshiti

Dërgo me email | Stampo artikullin