04/11/2013 09:26:28

Muzikë, kinema dhe sfilata

Intervistë me artisten Denisa Gogovi

SHKODER - Ka studiuar që në moshen 6 vjeçare për piano. Kreu shkollën e mesme artistike "Prenkë Jakova" në Shkodër si dhe katër vjet në liceun artistik "Jordan Misja" në Tiranë. Aktualisht po studion në njërin nga universitet private në Tiranë, dega pianoforte. Bashkëpunon me profesionistë të muzikës shqiptare. Njëkohësisht, Denisa i përmbahet rolit artistik si shkrimtare, kompozitore, pianiste dhe këngëtare.

Bukuria dhe finesa e artistes nuk e ka lënë jashtë botës së modës dhe kinematografisë si foto-modele dhe aktore. Madje së fundmi ka fituar rolin kryesor në një film ndërkombëtar që do transmetohet në Bollywood të Indisë dhe Hollywood në Los Angeles. Është ambasadore e vullnetit të mirë për të drejtat e njeriut e emëruar nga Organizata Ndërkombetare “International Human Rights Comission”. Në një intervistë për HermesNews, Denisa Gogovi shpreh dëshirën e saj për muzikën si dhe ëndrrën për kinematografinë. Kjo e fundit duket se po realizohet së shpejti.

Kur keni performuar për herë të parë para publikut?
Në moshën 7 vjeçare ka qenë impakti i parë me publikun. Më pas në vazhdimësi duke qenë akoma në një grup-moshe pak më të madhe arrita të përballesha më juri prestigjoze në Tiranë në tip konkursesh tepër të profilizuara në artin konkurues dhe modest ku jam vlerësuar me cmim të tretë. Më pas kam qenë pjesë e shumë koncerteve dhe konkurseve pianistike ku jam vlerësuar dhe me cmime të dyta. E natyrishme për t’u ndjerë e motivuar dhe për te kërkuar akoma më shumë brenda vetes, jo në sens egoizmi por vlerësimi dhe sigurie.

Po për eksperiencën si këngëtare, ç’mund të na thuash ?
Në moshën 17 vjeçare unë kam patur bashkëpunimet e para në rolin si këngëtare. Realisht unë nuk e prisja që të jem pjesë e detajeve duke përshkuar veten në një tjetër ritem koincidence me përputhjen e kënaqësise individuale dhe suksesit për te tjerët. Gjatë studimeve për piano, arrita të kuptoj që unë mbuloj pjesën si këngëtare dhe krijuese e muzikës, ku gjithashtu kam finalizuar disa projekte në të cilat lidhen me produksionin tim.

Të njohim edhe si foto modele. Ishte një tjetër dëshire e jotja apo një ofertë ?
Në cdo thënie timen lidhet pozicioni im shpirtëror me falenderimin ndaj Zotit! Në kontaktet e para përsa i përket fushes së modës unë gjithë përcjelljen profesionale e kam fituar nëpërmjet këshillave të mamasë time duke qënë se ajo depërton në pasionin e saj për përcaktimin e detajeve dhe modeleve të ndryshme të shndërrimit konceptual dhe ndryshimit. Them të drejtën tashmë pretendoj të finalizoj veten në këtë fushë jashtë Shqipërisë duke qenë se këtu kam patur oferta të ndryshme por më lë për të dëshiruar mosorganizimi i duhur dhe mbaj distancë të përhershme duke qenë se jam kërkuar dhe nga fotografë të huaj, miq e kolegë në Amerikë.

Cili është profesioni më i preferuar i Denisës, duke ditur se jeni aktive në shumë fusha te artit ?
Nuk arrij të ndaj fushën e muzikës me atë të kinematografisë dhe faktit që unë kam nisur një përgjegjësi të re për të shkruar librin tim të parë në karakter filozofik. Jam e lidhur aktualisht dhe përgjithmonë brenda Denisës, për të qenë art progresiv dhe ideal në parashtrimin e konceptit artistik.

Si të lindi ideja e të shkruash një libër, dhe kur pritet të botohet ?
Libri im është i pavendosur në kontekst arrogant dhe duke u bazuar herë-herë në dyshimet e njerëzve si ka mundësi një 21 vjeçare ? Në planet e mia jam e bindur që dhe suksesi i librit do finalizojë suksesin e tij gjatë vitit të ardhshëm duke qënë se unë po punoj akoma për arritjen e merituar si një kthesë modeste për botën shpirtërore tek cdo njeri. Ideja lindi ashpërsisht duke përcjellë emocionet negative brenda vetes dhe detyrimisht mundesia për të shkruar nuk ndaloi në asnjë gjetje të përkohshme, por kërkesa e lartë e llogarisë përballonte pikpamjet e duhura të shënjestrimit të duhur për të falur veten tek të tjerët nëpërmjet librit tim. Aktualiteti në marrëdheniet njerëzore beson tek ju dhe qëllimi im është të ndryshojë jetën tuaj. Depërtimi emocional sikurse dhe ndërgjegjia në mendje dhe në shpirt pëson pavarësine e duhur individuale. Botimi padiskutim që do realizohet në gjuhën shqipe dhe angleze duke qenë se do marr dhe drejtimin ndërkombëtarisht si një interesim i duhur profesional.

Kohët e fundit kemi dëgjuar shumë nëpër media të ndryshme për një rol kryesor që do luani në Bollywood të Indisë dhe Hollywood në USA. Si u gjendët deri aty?
Pikërisht. Realisht ështe përfolur dhe ka patur reagime si dhe interesim mediatik për rastin e filmit ndërkombetar “Next Visitation Be not Be” ose në gjuhën Hindi “Phir Mulaqat Ho NA Ho”. Jam takuar rastësisht me drejtorin e filmit dhe ai ka vendosur parimisht dhe praktikisht që unë të jem nën emrin e personazhit “Sonya” dhe të plotësoj këtë rol kryesor ku do jem memece dhe do interpretoj nëpërmjet ndjeshmërise emocionale dhe akoma më e vështirë pozicionimin e depërtimit emocionalisht tek publiku. E lumtur që më është besuar roli kryesor dhe emri “Shqiperi” po njihet tashmë dhe në industrinë e Bollywood në Indi, mjaft e rëndësishme po nga cilësia e renditur pas Hollywood në të gjithë botën. Mund të them që ky film ndërkombëtar tashmë do transmetohet përvcse se në Lindje dhe në Perëndim, përfshire edhe Hollywoodin në Amerikë, ku producentë dhe personalitete të njohur atje kanë shprehur interesin për suksesin e mundur referuar subjektit të filmit dhe përzgjedhjes së aktorëve.

Të ndalemi pak tek jeta private. Si ështe një ditë pushimi, për Denin?
Jeta ime private është e mundur nëpërmjet vetes time dhe miqve të mi të përzgjedhur. Pa diskutuar takimin me njerëz të rinj dhe e rrethuar me dashuri përkrah familjes time. Dita ime e pushimit mund të jetë po aq organizative pa përjashtuar dhe rastet që mund të preferoj të jem vetëm në një moment apo në një tjetër. Qetësia, relaksi me stabilitetin dhe udhëheqjen individuale më pëlqejnë shumë.

Kthehemi përsëri tek karriera juaj. Do doja të ndalem tek roli juaj në film, ç’farë roli është?
Roli im i përmbahet një vajze të thjeshtë, modeste, me karakter të fortë dhe dy cunat me të cilet ajo është rritur në jetimore bien në dashuri me Sonyan (Denisën). Historia e dhimbshme lufton në sinqeritetin e duhur të fëmijërisë duke perceptuar sakrificën dhe tragjedinë në fund të skenave ëndërrimtare sa dhe “kërcënuese” për realitetin.

Kur pritet të shfaqet në kinema ?
Në fillim të vitit 2014. Më kanë thënë se pretendohet të jetë muaji shkurt. Shpresoj të shprehin interes dhe konsideratë të mjaftueshme dhe udhëheqësit shqiptarë në raport me transmetimin e filmit dhe këtu në Shqipëri.

Si ndjeheni meqënëse jeni ndër të paktët artistë shqiptarë që luani në Hollywood dhe Bollywod?
Plotësisht e lumtur dhe akoma më afer ambicies time profesionale për të arritur bashkëpunime të shumta jashtë Shqipërisë. Mundësia, integritetit dhe profesionaliteti më thërret për të qartësuar objektivisht detajet më të rëndësishme për lartësine e mundur të emrit tim.

Keni ndonjë projektt tjetër që ne nuk e dimë akoma ?
Po, natyrisht. Pas përfundimit të realizimit të filmit ndërkombëtar, kam disa projekte me një producent amerikan i cili më ka ofruar mundësinë si muzikante dhe aktore. Une tashmë kam filluar projektin e parë ku kam dërguar muzikën time si kolonë zanore për një film të tij. Të rejat në vazhdim do jenë mëse të realizueshme në funksion te suksesit. Na ndiqni dhe në Facebook dhe Twitter

Intervistoi Teuta Taramani

Dërgo me email | Stampo artikullin