03/11/2013 16:22:19

Serbia po e humb Kosoven

Nebojsa Jovic, 'do doja qe Kosova te ishte pjese e Serbise dhe te gjithe shqiptaret te kishin te njejtat te drejta'

Nga Nate Tabak

MITROVICE- E takova Nebojsa Jovic nën hijen e barrikadave të ndërtuara mbi urën kryesore në Mitrovicës. Një pjesë gurrësh “si tip arti”, thekson me shaka Jovic. Barrikadat ndodhen këtu që prej më tepër se dy vitesh. Serbët e Kosovës janë ndarë me të tjerët në veri të Kosovës pasi qeveria e Prishtinës kërkoi që të marrë kontrollin e plotë të kufirit me Serbinë. Për këtë fakt edhe një polic është vrarë.

Shumë gjëra kanë ndryshuar që prej asaj kohe. “Nuk ka më presione nga të dyja anët por prosioni më i madh vjen nga Beogradi”, shprehet i mërzitur Jovic. Serbia dhe Kosova vazhdojnë bisedimet për të rregulluar marrdhëniet. Marrveshja më e fundit u arrit në prill, duke bërë që të përfundojë era 14 vjecare e kontrollit de-facto të pjesës veriore të Koëovës dhe të të gjithë territorit.

Për persona si Jovic që sheh gjithnjë hartën e Serbisë të vendosur në ngjyrat e flamurit, është shumë e vështirë të mbrosh ëndrrën e një vendi që kufiri shkon deri thellë në Dragash deri në jug të Kosovës. Por, ai ka arritur të pranojë kompromisin. “Nëse do të duhej të zgjidhja mes këtyre dy gjërave, do të zgjidhja më të lehtën. Ta kemi kufirin këtu”, deklaron Jovic duke vendosur gishtin tek barrikadat.

Jovic është pjesë e Këshillit Kombëtar Serb për Kosovën dhe Metohinë, një këshill i krijuar nga qeveria serbe për të rregulluar gjërat në veri. Është ende e paqartë cfarë do të ndodhë pas zgjedhjeve lokale, por Beogradi ka pranuar se qeveria lokale e veriut do të mund të kalojë nën hijen e Republikës së Kosovës. Ditët e këshillit duket se janë të numuruara.

Jovic duket se ka për mision të shohë se sa më pak serbë të Kosovës të dëgjojnë thirrjet e Beogradit për të votuar këtë të djelë. “Ne duam që t’i shohim këta njerëz në sy dhe t’u themi. Si mundet ta bëni këtë”, shton Jovic. “Ne nuk do të kemi asnjë kontakt fizik me ta dhe askush nuk do t’i ofendojë”.

Nuk ka dyshime. Disa prej votuesve do të kenë frikë pasi ata mund të goditen gjatë natës nga ndonjë bombë ose nga ndonjë grups personash të inatosur si hakmarrje për “tradhëti”. Kur biseda jonë u kthye tek dhuna që ka plagosur veriun e Mitrovicës, Jovice duket se e ktheu me shaka. “Është e vështirë nëse ne do ta mbarrojmë intervistën gjallë. Në veri ti je i lire dhe ke paqe. Por nuk është kështu nëse je në pjesën tjetër të kufirit dhe sidomos tani për zgjedhje”. Për fat të mirë të dy i mbijetuam intervistës.

Mitrovica e veriut ka qenë një linjë për të gjithë ata që shpresojnë që ora të kthehet pas në ditët e mira të jetës atje. Por me qeverinë e vendit të sapolindur duket se është e vështirë. Por Jovic thekson se ai është përdorur nga Beogradi. “Është e vështirë të jesh nacionalisht kur edhe vendi yt nuk të mbështet. Shumë do të luftojnë dhe shumë do të largohen, ndërsa shumë do të mbrojnë veten, ashtu sic kanë bërë drejtuesit e Serbisë”.

“Unë mendoj se zgjidhja më e mirë do të ishte nëse Kosova do të qëndronte si pjesë e Serbisë, në të cilën shqiptarët të kishin të njëjtat të drëjta”, thotë ai. “Duket utopike, por në vitin 1997 askush nuk e kishte menduar atë që ndodhi, kështu që surprizat janë gjithnjë të mundshme”.
Na ndiqni dhe në Facebook dhe Twitter

Edison Myrteza

Dërgo me email | Stampo artikullin