29/10/2013 14:33:02

Film amerikan per Mbretin Zog

Subjekt eshte atentati qe iu be mbretit ne Vjene

TIRANE- Atentati ndaj Mbretit Zog në Vjenë më vitin 1931, paraqitur në një film nga regjisori i njohur anglez, Nicolas Roegh u shfaq gjatë edicionit të 11-të të Tirana International Film Festival.

Bëhet fjalë për filmin “Aria” (1988), realizuar nga dhjetë regjisorë të famshëm Jean Luc Godard, Robert Altmann, Ken Russell, Nikolas Roegh etj. Filmi trajton 10 histori te ndryshme, te krijuara nga 10 regjisore me emër britanike dhe amerikane.

Historia e pare, është pikërisht ajo e mbretit Zog nen titullin e veprës se Verdit “Nje ballo me Maska” me regjine e Nicola Roeg, kushtuar atentatit ndaj Mbretit Zog, në Vjenë, në vitin 1931. Ai bën një paralelizëm mes operës kësaj nate në opera të Mbretit shqiptar, historisë së tij të dashurisë gjatë qëndrimit në Vjenë dhe atentatit nga një grup shqiptarësh antizogistë dhe operës “Ballo me maska” nga Giuseppe Verdi. E gjithë fabula trajtohet përmes muzikës dhe Mbreti Zog interpretohet nga aktorja Theresa Russell e njohur për interpetimin tek Spider Man 3.

Për të prezantuar për herë të parë filmin në Tiranë, ishte i pranishëm producenti Dan Boyd. “Aria” ka kandiduar për Palmën e Arte ne Festivalin e Kanës, por në atë kohë, askush në Shqipëri nuk dinte për një prodhim të till kinematografik.

Na ndiqni dhe në Facebook dhe Twitter

HermesNews-©2013

Dërgo me email | Stampo artikullin