29/10/2013 14:15:06

Misteri i Pashalimanit

Një udhëtim nga legjendet deri tek historia

VLORE - Baza e Pashalimanit, 25 km në jug të Vlorës, krahas të tjerash, mbart edhe një sërë simbolesh që lidhen me historinë e hershme dhe atë të vonë.

Nuk është saktësuar dhe nuk dihet me siguri origjina e emrit të kësaj baze. Duket se është një emërtim që e ka origjinën sa tek historia, por po aq edhe tek legjendat.

Porti i Orikut dokumentohet prej vitit 214 para Krishtit, kur u pushtua nga flota e Aleksandrit të Madh të Maqedonisë. Atëhere, sikundër edhe më pas, gjatë konfliktit mes Pompeut dhe Çezarit, limani në vitin 48 p.e.s. është njohur me emrin Jeriko.

Gjurmët e tij spikasin edhe sot në hyrje të postbllokut kryesor të kësaj baze. Në kohën e pushtimit osman, mori emrin Pashaliman, duke u shndërruar si baza kryesore e marinës turke në perëndim të Perandorisë. Në shekullin XVI, përmendet emri i admiralit turk Pir Reizi me veprën e tij, KITABI BAHRIYE, ku përshkruhen disa detaje të gjirit të Vlorës.

Një nga emrat e dokumentuar të periudhës së Perandorisë Osmane, është ai i një prej komandantëve më të njohur të bazës, Gjedik Ahmet Pasha.

Ndoshta me emrin e tij lidhet edhe ai i bazës së Pashalimanit e pse jo edhe detaji artistik i përdorur në një nga filmat e periudhës së komunizmit, që merr si referencë historikun dhe potencën e dikurshme ushtarake të kësaj baze. Na ndiqni dhe në Facebook dhe Twitter

HermesNews-©2013

Dërgo me email | Stampo artikullin