24/10/2013 15:39:05

Saimir Pirgu mbeshtet Down

Koncert per te semuret me kete sindrome

TIRANE- Tenori i njohur shqiptar Saimir Pirgu do të shfaq mbrëmjen e nesërme në skenën e TKOB-së, një koncert bamirsie në mbështetje të kauzes së sindomës down. “Kauz kjo, që vërtet meriton një mbështetje nga të gjithë ne. Prezenca juaj në koncert do të ndihmoj shume sensibilizimin e shoqërise tonë për njerzit dhe fëmijet me Syndrome”, është shprehur Pirgu.

Ndërsa në skenat e botës tenori Saimir Pirgu po zhvillon një jetë të ngjeshur artistike, këtë herë për skenën shqiptare vjen me një mision të veçantë ndryshe nga herët e tjera. Në këtë koncert që do të dirigjohet nga mjeshtri Zhani Ciko, tenori do të shoqërohet dhe nga artistë të tjerë të njohur si, Marjana Leka, Sidrit Bejleri dhe Vikena Kamenica.

Ky koncert është një iniciativë personale e tij në bashkëpunim me “Doën Syndrome Albania”, një organizatë ekonomikisht jofitimprurëse, themeluar më 13 qershor 2013 nga prindi i një fëmije me sindromën Doën, me qëllim rritjen e cilësisë së jetesës të personave me këtë sindromë. Saimir Pirgu vjen në Tiranë pas marrjes së çmimit prestigjioz “Pavarotti i Artë” për vitin 2013

HermesNews-©2013

Dërgo me email | Stampo artikullin