14/10/2013 11:13:43

Arkitektura e ndjenës

Në fjalën e tij, presidenti i festivalit, Qazim Sejdini falenderoi të pranishmit që nuk munguan në çeljen e këtij eventi, i cili ka 15 vjet që organizohet në muajin tetor

ELBASAN - Ka çelur siparin edicioni i 15- i Festivalit Ndërkombëtar te Teatrit Bashkëkohor “Arkitektura e Ndjenjës”, një event i kthyer tashmë në traditë në teatrin “Skampa” të qytetit te Elbasanit. Në ceremonine e çeljen e këtij festivali, Drejtori Adonis Filipi ka ftuar në skenë presidentin e festivalit, kreun e Bashkisë, Qazim Sejdini, aktoren e madhe shqiptare, Tinka Kurti, regjizorin me origjinë shqiptare, i cili vjen me trupën e tij nga Italia, Marsel Leska, si dhe Drejtori i teatrit, Bashkim Paheshti. Në fjalën e tij, presidenti i festivalit, Qazim Sejdini falenderoi të pranishmit që nuk munguan në çeljen e këtij eventi, i cili ka 15 vjet që organizohet në muajin tetor me pjesemarjen e artisteve nga vendi, rajoni e më gjerë. "Jam i bindur se qytetarët elbasanas do ta ndjekin edhe këtë festival, pasi janë artëdashës, edhe pse fondet këtë vit janë të limituara. Në këtë edicion do të marrin pjesë dhjetë trupa teatrore, tetë prej të cilave vijnë nga Europa Perëndimore. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin