09/10/2013 17:07:15

''Saharov'' per Suu Kyi

Opozitarja e Birmanisë do të mbajë një fjalim përpara eurodeputetëve në Strasburg

STRASBURG - Udhëheqësja e opozitës së Birmanisë Aung San Suu Kyi do të pritet më 22 tetor në Parlamentin Europian në Strasburg për të marrë çmimin ''Saharov'', që iu akordua në vitin 1990, bëri të ditur Parlamenti. Opozitarja e Birmanisë do të mbajë një fjalim përpara eurodeputetëve, sipas draftit të rendit të ditës në seancën e ardhshme plenare. Këtë çmim Aung San Suu Kyi e ka marrë 23 vjet më parë, por nuk ka mundur ta marrë personalisht, pasi kaloi një periudhë 15-vjeçare nën arrest shtëpiak në Rangun deri në lirimin e saj nga ushtria në nëntor 2010. Çmimi ''Saharov'' i Parlamentit Europian i jepet personaliteve që luftojnë kundër intolerancës, fanatizmit dhe shtypjes. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin