08/10/2013 17:42:26

Trëndafili dhe flokët

nga Brunhilda Çela

Pjesa e parë

Sekretet e aromave të Brunhildës Cilësitë që ka uji i trëndafilit janë të njohura dhe tek parukierët sepse ai përmban një pjesë të madhe të ingredientëvë në produktet e kujdesit ndaj flokëve.

Nëse do e aplikojmë ujin e trëndafilit në flokë, ai ndihmon në zvogëlimin e inflamacionit, rrit furnizimin me gjak në skalp dhe nxit rritjen e flokëve. Trëndafili medicinal nga i cili merret vaji dhe uji janë rosa damascena që rritet ne Turqi, Bullgari, Iran, Indi, Kinë.

Ekziston dhe një lloj tjetër që quhet rosa centifolia që rriten në Francë, Marok, Egjipt dhe ky trëndafil përdoret për qëllime terapeutike. Vaji i trëndafilit nxirret duke përdorur metodën e destilimit.

Ka dhe disa metoda të tjera që kërkojnë sasi të mëdha petalesh dhe kjo gjë e bën shumë të shtrenjtë vajin e trëndafilit. Vaji i trëndafilit ndihmon tek njerësit që vuajnë nga pagjumësia, lehtëson spazmat, antidepresiv, afrodiziak i fortë, ndimon dhe tek sëmundjet e melçisë, ndihmon në rregullimet e punës së traktit bilar dhe mëlçinë e ruan nga infeksionet.

Përdoret dhe si masazh me vaj trëndafili, për njerëz që kanë probleme me venat, është dhe anti inflamator. Masazhi me vaj trëndafili ndihmon dhe kundër dhimbjes së kokës dhe migrenës, ndihmon dhe regullimin e menstruacioneve të çrregullta dhe kur të zë makina.

Vaji i trëndafilit është efektiv dhe për forcimin e rrenjës së flokëve gjithashtu dhe të mishrave të rrënjëve por shërben dhe si laksativ, pra ka efekt të drejtpërdrejt në zorrë (kapsllëku).

Ndihmon në shërimin e infeksioneve të jashtme të lëkurës dhe veshëve. Vaji i tij përdoret në formë të holluar, duke e përzier me një vaj tjetër si bazë zakonisht merret vaji i bajames, ose ullirit dhe nuk duhet përdorur pa u këshilluar me mjekun, sidomos në shtatzani.

Recetë me kremin e trëndafilit:
























Mund të veproni si farmacistet e pare duke përgatitur vete një krem trendafili në kushte shtëpië, por duke patur kujdes dhe higjenë. Për përgatitje duhet një enë inoksi. Ena duhet të jetë më parë e zier dhe e përveluar dmth sterile.

Përbërësit janë: 15 ml dyll bletë, 15 ml vaj bajame, ½ luge kafeje me mjaftë, 15 ml ujë trendafili dhe tre pika vaj esencial vaj trëndafili. Vëmë dyllin vajin dhe mjaltin tek ena e inoksit dhe i shkrimë në banjë mari, pra permbajtja e merr nxehtesine jo direkt por nga nxehtesia e ujit te valuar.

E nxjerrim përzierjen nga banja mari e përziejmë gjithë kohës derisa të ftohet e të përfitojmë një masë kremoze homogjene dhe kur kjo të jetë ftohur shtojmë tre pikat e vajit esencial dhe e përziejme.

Masat janë për rreth 50 gr krem. Kremin e përfituar fusim brenda një kutie kremi mundësisht sterile dhe e mbajmë në frigorifer. Duhet punuar në mënyrë shumë të kujdesshme dhe me higjenë maksimale. Ky lloj kremi duhet konsumuar brenda 2-3 muajve psi nuk ka konservantë. Na ndiqni dhe në Facebook dhe Twitter //vijon//

HermesNews - ©2013

Dërgo me email | Stampo artikullin