03/10/2013 07:43:36

Dorehiqet trajneri i Kukesit

Humbet me partizanin

KUKËS - Pa kaluar ende 24 orë nga dorëheqja e trajnerit Armando Cungu, presidenca i ka dhënë zgjidhje problemit duke emëruar trajnerin e ri që do të vazhdojë punën për pjesën e mbetur të kampionatit. Në stolin e trajnerit që nga mesdita e sotme është trajneri Naxhi Shensoji. I zgjedhur nga presidenca, pak dihet në qytetin verilindor për këtë trajner kosovaro- turk, që më parë është njohur si trajner i ekipit të Bylysit.

Menjëherë pas humbjes me "Partizanin", trajneri Cungu dha dorëheqjen nga stoli i Kukësit që e kishte drejtuar prej më shumë se një viti. Nën drejtimin e tij Kukësi u shpall nënkampion dhe në pjesëmarrjen e parë në kupën evropiane arriti të kalojë 3 raunde, si asnjë ekip shqiptar deri tani.

Me trajnerin e ri pritet kthesa e shumëpritur nga sportdashësit verilindorë, të cilët pretendojnë në realizimin e objektivit të këtij viti, daljen kampion të ekipit kuksian.

KUKËS - Trajneri i ekipit të futbollit të Kukësit, Armando Cungu, ka dhënë dorëheqjen menjëherë pas humbjes në ndeshjen me Partizanin sot mbasdite. Lajmin e bën të ditur zëdhënësi i ekipit, Jonuz Hallaçi. Sipas tij, Cungu ka përshëndetur dhe falenderuar gjithë sportdashësit kuksianë, presidentin dhe futbollistët. Humbja me Partizanin me rezultatin 0 me 1 solli edhe dorëheqjen e menjëhershme të tij.

Cungu erdhi në krye të ekipit verilindor vitin e kaluar, kur Kukësi për herë të parë militonte në kategorinë superiore. Dhe që në vitin e parë u shpall nënkampion dhe pjesëmarrës në kupën evropiane, ku arriti të kalojë 3 raunde.

Por kampionati i këtij viti solli mjaft vështirësi për ecurinë normale të ekipit, i cili është dënuar me 4 ndeshje jashtë fushës së tij. Dhe gjatë këtyre javëve të para Kukësi ka arritur 2 fitore, 1 barazim dhe 3 humbje. Ky rezultat vlerësohet mjaft i ulët për ekipin e Kukësit, i cili pretendon për titullin kampion. Pritet që brenda ditës së nesërme presidenca të emërojë trajnerin e ri që do të vazhdojë punën për arritjen e objektivave të ekipit verilindor.

HermesNews - ©2013

Dërgo me email | Stampo artikullin