02/10/2013 12:56:17

Marevëshje të tregtisë së lirë me Shqipërinë

Qeveritë e të dy vendeve kanë nënshkruar marrëveshjen për tregti të lirë

PRISHTINË - Kosova ka filluar të përgatisë një marrëveshje për tregti të lirë dhe me Shqipërinë, tha sot kryeministri kosovar Hashim Thaçi, në takimin e 12-të të Këshillit Kombëtar për Zhvillim Ekonomik. Duke folur në këtë takim, Thaçi tha se, "si rezultat i negocimit mes institucioneve të Republikës së Kosovës dhe atyre të Turqisë, qeveritë e të dy vendeve kanë nënshkruar marrëveshjen për tregti të lirë. Kjo marrëveshje pritet të hapë rrugë të reja për shkëmbime tregtare mes bizneseve të vendit tonë me ato të Turqisë, si dhe për rritjen e investimeve turke në Kosovë dhe anasjelltas". Sipas tij, me këtë marrëveshje është paraparë edhe mbrojtja e disa sektorëve të ndjeshëm prodhues. Me tej, kryeministri Thaci tha se, "Republika e Kosovës ka filluar të përgatisë një marrëveshje të ngjashme edhe me Republikën e Shqipërisë dhe këtë e kemi diskutuar edhe në vizitën e fundit, në takimet që kemi zhvilluar me kryeministrin Rama". Qëllimi i kësaj marrëveshjeje është që të nxitet dhe lehtësohet tregtia mes dy vendeve duke thjeshtësuar dhe harmonizuar rregulloret dhe kërkesat për transportin, tregtinë dhe doganat, shtoi ai. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin