23/09/2013 12:49:21

Zgjedhjet lokale, test për Kosovën. Për herë të parë votojnë serbët

Thaçi takon Sekretarin e Përgjithshëm të OKBsë Ban Ki Moon

PRISHTINË - Sekretari i Përgjithshëm, Ban Ki Moon konfirmon përkrahjen e Kombeve të Bashkuara ndaj proçesit të dialogut mes Kosovës dhe Serbisë si dhe rëndësinë e mbarëvajtjes së zgjedhjeve lokale që do të mbahen në Nëntor, të cilat i cilësoi historike. Kryeministri Thaçi, sipas njoftimit nga New Yorku dërguar nga zyra e tij, në takim foli për zhvillimet e fundit në Republikën e Kosovës, ku temë kryesore ishin zgjedhjet lokale në Republikën e Kosovës, si dhe dialogu për normalizimin e marrëdhenieve në mes të Kosovës dhe Serbisë, si dhe implementimi i marrëveshjeve të dala nga dialogu. Thaçi në takim i cilësoi zgjedhjet lokale të 3 nëntorit të një rëndësie të madhe pasi që në këto zgjedhje për herë të parë do të marrin pjesë edhe serbët e komunave veriore të Kosovës, gjë që siguron integrimin e komunave të veriut të Kosovës. Delegacioni nga Kosova ka një axhendë 40 pikëshe dhe do të ketë takime me zyrtarë të mëse 20 shteteve që ende nuk e kanë njohur pavarësinë e saj, të njohur deri tani nga mbi 100 shtete anëtare të OKB-së.Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin