17/09/2013 18:06:37

Tabula Militaris Itineraria, ekspozita hartografike e kohës së romakëve

Massafra: ''Shikimi i hartave topografike të na çojë në njohjen historike të së kaluarës dhe të bëjë që sot ta vlerësojmë lirinë fetare, pavarësisht prej etnisë, prej gjuhës, prej fesë, duke e shikuar tjetrin...si bashkëqytetar''

SHKODER - Një ekspozitë e hartografisë së vjetër (foto) është organizuar dje në Shkodër pranë Katedrales, në kryeqendrën e veriut. Ekspozita hartografike me titull "Tabula Militaris Itineraria" deri në hartat e Europës.

Ekspozita hartografike u organizua nën kujdesin e arqipeshkvit të metropolit Shkodër-Pult Angelo Masafra dhe shoqata Europa e Re. Koleksioni hartografik është një dëshmi e gjallë e epokës romake që për herë të parë ekspozohet në Shkodër.

Hartat e epokës, janë shtypur në Jesi (Itali) dhe brenda tyre përshkruheshin me linja të detajuara, ndarjet territoriale të atëhershme, që përfshinin dhe territoret e pushtuara nga romakët.

Ekspozita unike organizohej me rastin e 1700 vjetorit te Ediktit te Kostandinit dhe do të qendrojë e hapur në Shkodër deri me datë 28 Shtator.

Shpresojmë që "shikimi i hartave topografike të na çojë në njohjen historike të së kaluarës dhe të bëjë që sot ta vlerësojmë lirinë fetare, pavarësisht prej etnisë, prej gjuhës, prej fesë, duke e shikuar tjetrin siç thotë Papa Françesku, si bashkëqytetar dhe së bashku të ndërtojmë, me gjestet e vogla të jetës së përditshme një Shqipëri dhe një Kosovë më të mirë", tha Massafra në mesazhin për të pranishmit, ndër të cilët Kryebashkiaku Lorenc Luka dhe konsulli italian në Shkodër Dr. Maurizio Polselli. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin